O pasado martes, Taboada acolleu unha nova reunión comarcal do PSdeG-PSOE no marco do calendario de encontros impulsado pola Executiva Provincial. A cita estivo presidida polo secretario xeral do partido na provincia, José Tomé Roca, e pola vicesecretaria xeral e secretaria de Organización, Pilar García Porto. Participaron alcaldes, voceiros e responsables das agrupacións de Chantada, Carballedo, Palas de Rei, Antas de Ulla, Taboada e Portomarín, así como o delegado comarcal do suroeste, Rafael García Figueiras.
Durante a sesión abordáronse cuestións como o impacto do proxecto Altri, a moratoria do eucalipto e a situación dos concellos no ecuador da lexislatura. Tomé Roca advertiu que “o suroeste da provincia de Lugo é unha zona estratéxica que precisa políticas ambiciosas e de futuro, non anuncios baleiros nin improvisación”. García Porto destacou que estas xuntanzas “permiten reforzar a coordinación, compartir experiencias e anticiparse ás necesidades do territorio”.
Cargando ...
