A Plataforma de Contratos Públicos de Galicia publicou a licitación das obras de optimización enerxética do edificio xudicial de Monforte, cun orzamento que supera o millón de euros. Trátase de modernizar as infraestruturas xudiciais e reducir o gasto eléctrico, apostando por instalacións máis eficientes e respectuosas co medio ambiente.
Os traballos previstos céntranse na mellora da envolvente do inmoble, coa renovación de cubertas e peches exteriores, ademais da actualización das instalacións eléctricas e do illamento térmico. O obxectivo é diminuír o consumo asociado ao uso diario do edificio.
A licitación realizarase mediante procedemento aberto e con pluralidade de criterios, co fin de garantir a transparencia e a igualdade de oportunidades. Esta intervención intégrase nun plan de eficiencia enerxética en edificios xudiciais galegos, que conta cun investimento global de 6,8 millóns de euros. Estas actuacións permiten avanzar cara a unha xustiza con instalacións máis sostibles, accesibles e funcionais, contribuíndo á loita contra o cambio climático e mellorando a calidade do servizo público.• (Foto Arquivo)
Cargando ...
