A Xunta acometerá a reforma da oficina de emprego de Monforte, cun investimento de máis dun millón de euros para incorporar o Polo de Emprendemento e Apoio ao Emprego, operativo desde 2022 e que xa asesorou arredor de 300 iniciativas empresariais, preto do 30 por cento de todos os asesoramentos feitos na provincia de Lugo. As deputadas Katy Varela e Encarna Amigo visitaron as instalacións actuais e salientaron que a obra adecuará máis de 570 metros cadrados na rúa Doutor Casares. O servizo presta apoio a emprendedores de doce concellos da contorna e suma preto de 900 titorías, cunha participación lixeiramente maior de mulleres ca de homes.•
Cargando ...
