O Concello de Bóveda ten en marcha a obra de substitución da cuberta da Casa da Cultura, unha intervención que permitirá solucionar filtracións e mellorar o uso diario dun edificio que leva en servizo desde finais dos anos noventa. A actuación, valorada en 51.272 euros, inicouse tras o convenio asinado entre o alcalde, José Manuel Arias, e o conselleiro de Cultura, Lingua e Xuventude, José López Campos, polo que a Xunta achega o total do investimento previsto. Segundo o recollido no acordo, estas melloras considéranse necesarias para garantir unha programación cultural ampla e estable. Arias subliña que o centro é “un dos espazos máis empregados pola veciñanza” e lembra que nel se desenvolven cursos, talleres e actividades comunitarias, ademais de acoller a Biblioteca Pública Municipal e o PAI. A previsión municipal é que os traballos rematen nas próximas semanas, o que permitirá recuperar plenamente a funcionalidade das instalacións e ofrecer un servizo máis cómodo e seguro aos usuarios.•
Cargando ...
