A Deputación de Lugo aprobou a adxudicación do último lote para dotar de equipamento o complexo turístico de Augasmestas, situado en Quiroga. O contrato, por importe de 99.704 euros, foi concedido á empresa Ofivimar S.L e contempla mobiliario para piscina, recepción, vestiarios, aseos e bungalows, cun prazo de entrega de dous meses. Esta actuación súmase á licitación realizada en abril, que incluíu elementos de protección contra incendios, contedores, sofás e material para zonas comúns. En total, a institución provincial investiu 171.497,15 euros para acondicionar estas instalacións “nun enclave natural á beira do Sil”, segundo destacou a Deputación.•
Cargando ...
