A Xunta destinou preto de 58.000 euros á reforma de locais sociais de seis asociacións da comarca sarriá. O delegado territorial, Javier Arias, visitou os inmobles das entidades Ajuilaouca e D’Carballo D’Arroxo, en Sarria, para comprobar as obras realizadas. No primeiro caso, instalouse un valado de piñeiro, arranxáronse escaleiras e construíuse unha rampla con varanda. Na antiga escola de Goimil substituíuse a cuberta deteriorada e mellorouse a accesibilidade. Tamén recibiron axudas as asociacións de Betote, Manán-Mato San Salvador, San Mariño de Río (Láncara) e Rivas de Miño (O Páramo). Arias destacou que estas achegas, convocadas cada ano, buscan apoiar actividades sociais e dotar os locais de mellores condicións.•
Cargando ...
