O Concello convocou o concurso de deseño gráfico para seleccionar o cartel anunciador da XLVI Feira do Viño de Amandi, que terá lugar do 27 ao 29 de marzo de 2026. Poderán participar persoas de calquera idade con obras en formato A3 e técnica libre, entregadas en soporte ríxido, e só se permitirá un cartel por autor. Fican excluídas aquelas persoas que xa recibiran o premio en dúas ocasións para favorecer a participación de novos creadores. Os deseños deben reflectir o espírito da feira, o sector vitivinícola e o patrimonio local. A entrega poderá facerse na Casa do Concello ou por correo postal ata o 1 de febreiro, en horario de 10:00 a 14:00 horas. O xurado, integrado por especialistas, resolverá o fallo dez días despois do peche e outorgará 800 euros ao gañador, que deberá facilitar unha copia dixital do cartel con todos os logos institucionais para a súa publicación.•
Cargando ...
