Chantada amosa xa o ambiente do Nadal cun amplo despregamento de iluminación e unha programación pensada para todos os públicos. As prazas e rúas principais da vila contan con novos elementos decorativos, entre eles a gran árbore da Praza de Galicia, zonas habilitadas para fotografías e figuras luminosas repartidas por distintos puntos. O tradicional Poboado de Nadal, elaborado con materiais reutilizados, recrea escenas da vila e inclúe animais, casas temáticas e espazos de lecer infantil. A decoración complétase coa iluminación de áreas como a Alameda, pontes e accesos á localidade, así como cun carrusel instalado diante do Auditorio Municipal. A programación continúa con propostas culturais e actividades dirixidas á infancia e ás familias.•
Cargando ...
