A Asociación de Empresas Ribeira Sacra Next mantén o seu labor de apoio ao tecido empresarial da comarca con accións formativas e informativas. Esta semana celebrou no Centro do Viño da Ribeira Sacra, en Monforte de Lemos, un taller sobre subvencións para empresas galegas en 2026, impartido por PROX Consultores. Durante a sesión analizáronse axudas ligadas ao investimento, ao emprendemento, ao emprego, ao turismo e á dixitalización, con espazo para resolver dúbidas e favorecer o contacto entre asistentes. A actividade foi gratuíta e en modalidade mixta. A entidade prepara para xaneiro un foro de emprendemento feminino aberto ao empresariado local.•
Cargando ...
