O CEIP Plurilingüe Virxe do Carme de Sober estivo presente no primeiro encontro de centros do programa Radio na Biblio, celebrado na Cidade da Cultura o pasado 18 de decembro. A iniciativa reuniu en Santiago a 650 estudantes de 5º e 6º de Primaria e os seus docentes para poñer en valor o traballo radiofónico que desenvolven nas bibliotecas escolares. Durante a xornada, os rapaces tiveron ocasión de achegarse ao funcionamento real dos medios, entrevistando a profesionais como Kike Magdalena (Radio Galega), Andrea Oca (RNE), Mario Moreno (SER), Ignacio Capeáns (Onda Cero), Patricia Iglesias (COPE) e Eva Millán (Radio Voz). Ademais, participaron en obradoiros prácticos de teatro radiofónico, locución e expresión oral, impartidos por actores, xornalistas e escritoras. O conselleiro de Educación, Román Rodríguez, destacou que “a radio é unha ferramenta que mellora as competencias lingüísticas e fomenta o traballo en equipo”. O programa, consolidado tras nove anos, chega este curso a 245 centros e forma parte do Plan LÍA de bibliotecas escolares.•
Cargando ...
