O Grupo Municipal Socialista da Pobra do Brollón alertou dunha deriva económica tras a aprobación no último pleno do Plan Económico‑Financeiro (PEF). Segundo o PSdeG, a Xunta requiriu en varias ocasións o trámite por incumprimento da estabilidade e a liquidación de 2024 pechou cun déficit superior a 70.600 euros. O grupo vincula o desequilibrio a anos sen planificación. “Non estamos ante un problema novo nin inesperado, isto vén de longo…”, afirmou o voceiro, Adolfo Rubio.
No debate, o alcalde atribuíu o desequilibrio ao carácter deficitario do lixo, a auga e o SAF, ao incremento do custo laboral e á dispersión poboacional. Os socialistas replican que a causa principal é a falta de planificación e que o PEF evita solucións estruturais.
O PSdeG critica subas de impostos que cualifica de “auténtico sablazo fiscal”. Engaden que persoal e bens e servizos consumen 90% do orzamento, o que reduce a marxe e traslada o axuste á veciñanza con máis taxas ou recortes en programas culturais, deportivos ou mesmo no SAF.
Tamén denuncian incoherencia por elevar en 500 € as retribucións do alcalde e do tenente de alcalde. “Non é ético nin solidario pedir que a xente se aperte o cinto…”, sinala Rubio.
O grupo socialista salienta os investimentos da Deputación de Lugo. Segundo o PSdeG, o documento contempla escenarios “moi duros” se non hai ingresos adicionais e pide abrir unha mesa coa oposición e co tecido local para corrixir o desaxuste. Finalmente, abstívose por “ser a solución menos mala”.•
Cargando ...
