Chantada mantén a súa relevancia como punto de inicio do Camiño de Inverno, ao situarse no quilómetro 100 desta ruta oficial, requisito necesario para obter a Compostela. A combinación de patrimonio románico, paisaxe da Ribeira Sacra e servizos ao peregrino converte o municipio nun lugar escollido por numerosos camiñantes.
A Oficina de Turismo atende cada ano a quen chega para selar credenciais e solicitar información sobre aloxamentos, hostalaría, transporte ou características das etapas. En 2025 pasaron polas instalacións 731 peregrinos, cunha maior afluencia entre maio e outubro.
O 73,46% dos visitantes procedía de España, con Madrid á cabeza, mentres que o 26,54% eran estranxeiros, principalmente de Italia, Portugal, Reino Unido, Alemaña, Países Baixos, Estados Unidos, Canadá, Polonia e Francia.•
Cargando ...
