Samos acolleu a cuarta edición das xornadas As actividades agrogandeiras fronte aos incendios na montaña, iniciativa promovida pola Sociedade Galega de Pastos e Forraxes. O encontro reuniu a profesionais do sector, técnicos e persoas vinculadas ao medio rural para analizar o papel da gandería na xestión do territorio.
A apertura correu a cargo da alcaldesa de Samos, Chus López, e da presidenta da entidade organizadora, Isabel Gómez. A primeira parte da xornada centrouse na gandería de vacún e na exposición de experiencias ligadas á actividade a tempo parcial. Presentáronse proxectos como unha explotación de carne en San Cristovo de Louzara, no propio concello de Samos, e outro dedicado ao cebo de bois en Pol.
Abordouse o manexo e cebo de animais adultos con intervencións de persoal investigador e profesional vencellado ao ámbito agrario e veterinario. Xa pola tarde, as sesións puxeron o foco nas novas ferramentas aplicadas ao pastoreo extensivo, como os cercados virtuais, así como na dixitalización e nas oportunidades do mercado das carnes de calidade, como vías complementarias para a viabilidade das explotacións.•
Cargando ...
