Galicia rexistrou en 2025 a cuarta temperatura media máis alta desde 1961, con 14,7 graos, segundo o informe anual presentado pola conselleira de Medio Ambiente e Cambio Climático, Ángeles Vázquez. O ano caracterizouse por ser “extremadamente cálido e moi húmido”, cun xuño histórico, o máis cálido desde que se teñen datos. As máximas e mínimas superaron en media 1,1 graos os valores habituais. Dos doce meses, xaneiro e xuño foron extremadamente cálidos, mentres que marzo e setembro rexistraron temperaturas inferiores á media.
En canto ás precipitacións, a media alcanzou os 1.524 litros por metro cadrado, un 18 % por encima do habitual, polo que 2025 figura como moi húmido. Xaneiro, abril e novembro destacaron polas chuvias abondosas, mentres que xuño, xullo, agosto e outubro foron secos, e os meses restantes presentaron niveis normais.•
Cargando ...
