A borrasca Ingrid deixou nas últimas horas un episodio de neve pouco habitual en Quiroga, cunha acumulación que alcanzou cotas moi baixas e cubriu o centro urbano, un fenómeno sumamente inusual . As primeiras nevaradas intensas producíranse o xoves pola tarde nas zonas máis altas, pero ao final da xornada a cota descendeu con rapidez e a neve estendeuse por boa parte do territorio.
Este venres 30 de xaneiro o municipio amenceu cunha estampa plenamente invernal, sen incidencias destacadas. Os servizos de Emerxencias traballaron desde onte para retirar acumulacións e garantir accesos seguros, tarefas que continúan hoxe nos núcleos máis afectados, como a Seara, Vilarbacú, o Mazo, Pacios da Serra, Leixazós e a montaña do Lor.
A AEMET mantén a alerta amarela e prevé que a cota, situada nos 600 metros pola mañá, vaia subindo ao longo do día. O Concello recomenda limitar desprazamentos e seguir “as indicacións dos servizos de emerxencia”.•
Cargando ...
