Un total de dezaoito comercios das comarcas de Lemos, Chantada e Quiroga recibiron ao longo de 2025 axudas por importe de 155.600 euros para mellorar a súa competitividade. Os apoios permitiron financiar actuacións vinculadas á dixitalización, á innovación comercial e á sustentabilidade ambiental en negocios locais da Zona Sur da provincia de Lugo. En Monforte concentrouse o maior número de beneficiarios, cun total de trece establecementos que accederon a estas achegas. Entre eles figuran negocios dos sectores da moda e da alimentación, que desenvolveron proxectos de modernización dos seus servizos e mellora das instalacións. Ademais, concedéronse dúas axudas a comercios de Quiroga e unha en Chantada, Carballedo e O Saviñao, respectivamente.
O delegado territorial da Xunta en Lugo, Javier Arias, visitou algúns dos establecementos beneficiarios coincidindo coa apertura dunha nova convocatoria de axudas, dotada con preto de 4 millóns de euros. O programa estrutúrase en tres liñas compatibles, orientadas á innovación e dixitalización, á mellora dos espazos comerciais e á redución do impacto ambiental mediante o uso de embalaxes sostibles.•
Cargando ...
