A Asociación de Municipios do Camiño de Inverno, da que forma parte Quiroga, aproveitou a feira FITUR para celebrar o décimo aniversario da oficialización deste itinerario xacobeo e difundir un novo vídeo corporativo. A presentación tivo lugar na caseta da Xunta, no pavillón 9 de IFEMA, onde se expuxeron as prioridades para os próximos anos, centradas na mellora dos servizos ao peregrino, na dixitalización e na creación de novas alianzas co sector privado. O obxectivo é fortalecer a identidade dun roteiro singular e avanzar na súa promoción profesional. No acto participou o alcalde de Quiroga, José Luis Rivera Castro, xunto a representantes autonómicos e provinciais.
Cargando ...
