O incidente afectou ao quilómetro 12 da vía, que comunica Santo Estevo con Pantón. Habilitáronse desvíos alternativos e
os técnicos traballan para restablecer o tráfico habitual
A Deputación de Lugo informou do corte da estrada provincial LU‑P‑4103 ao seu paso por Pantón debido ao derrube dunha ladeira tras as intensas chuvias dos últimos días. O desprendemento, localizado no quilómetro 12, obrigou a interromper a circulación mentres persoal técnico traballa na retirada da terra e na estabilización da zona. Como medida provisional ante a incidencia, habilitáronse itinerarios alternativos e seguros para os cidadáns da zona. Ademais, continúan pechadas outras vías provinciais afectadas por asolagamentos e danos en pontes. A institución provincial segue a manter unha monitorización constante, na procura da recuperación da normalidade de tráfico o antes posíbel.•
Cargando ...
