A conselleira do Medio Rural, María Xosé Gómez, visitou Puramel Sacra, no Saviñao, un dos produtores apícolas galegos premiados recentemente nos Paris Honey Awards. En paralelo, publicouse no Diario Oficial de Galicia a convocatoria das achegas ao sector apícola, dotadas cun orzamento de máis de 1,4 millóns de euros, a través das cales se financiarán as actividades realizadas entre o 1 de agosto de 2025 e o 31 de xullo deste ano. Gómez destacou que é un sector no que cada vez máis persoas se animan a emprender neste eido produtivo, sobre todo os mozos. •
Cargando ...
