O presidente do Goberno galego e o titular da Fegamp asinaron un acordo sobre financiamento deste recurso de atención á dependencia
A Xunta e a Fegamp pecharon un acordo que permitirá incorporar 150 millóns de euros adicionais ao Servizo de Axuda no Fogar ata 2028. O presidente galego, Alfonso Rueda, salientou que «é unha cifra importante e oxalá poida ser maior. Se tamén cumpre a súa parte o Goberno central probablemente se podería cubrir todo o coste do SAF para que os concellos non tivesen que aportar nada”, lembrou que a que o Goberno central non está a achegar o 50% que lle corresponde na atención á dependencia.
O pacto eleva o financiamento por hora, que pasa de 12 a 16 euros e que aumentará ata 18 euros ao final do período. Segundo a Xunta, a cifra practicamente duplica a do ano 2021.
Rueda destacou que o consenso con municipios e Fegamp chegou tras meses de negociación e puxo en valor a cooperación institucional. Tamén lamentou que o recurso do Goberno central ante o Constitucional paralizase o plan de choque da dependencia, ao considerar que frea parte das melloras previstas.•
Cargando ...
