A conselleira do Medio Rural, María José Gómez, reuniuse onte en San Caetano co alcalde de Chantada, Manuel Lorenzo Varela, para revisar posibles actuacións destinadas a reforzar os camiños rurais e avanzar na prevención de incendios forestais no municipio. Durante o encontro, avaliouse a situación da rede viaria local e o impacto das intervencións previstas para os próximos meses.
O Concello conta cun apoio de máis de 96.000 euros ao abeiro do Plan Camiña Rural 2025-2026, destinado á ampliación e conservación de vías municipais co obxectivo de facilitar os desprazamentos e mellorar o día a día da veciñanza. A conselleira lembrou os programas dispoñibles para apoiar aos concellos na loita contra o lume, entre eles o sistema público de xestión da biomasa ou os convenios que permiten dispoñer de brigadas e motobombas.•
Cargando ...
