A Consellería de Emprego, Comercio e Emigración mantén aberto o prazo para solicitar o Bono Remuda, dirixido a garantir a continuidade de pequenos negocios ante a falta de relevo xeracional. A medida, incluída na orde unificada para persoas autónomas, busca apoiar actividades viables en concellos como Bóveda.
O delegado territorial da Xunta en Lugo, Javier Arias, visitou onte un establecemento adherido á convocatoria de 2025 e destacou que estas axudas “reforzan o tecido comercial local”. Na provincia, o pasado ano beneficiouse un negocio en Bóveda, xunto con outros da cidade de Lugo e da Mariña.
O programa conta cun orzamento de 1,5 millóns de euros e inclúe unha liña específica para municipios de menos de 10.000 habitantes, que cobre ata o 75 % do contrato de relevo. •
Cargando ...
