Galicia impulsa a súa promoción turística internacional cunha estratexia de acción distribuida en cinco eventos profesionais e de público xeral en Europa e España
Turismo de Galicia rematará o domingo 1 de marzo unha intensa axenda promocional en cinco feiras especializadas, co obxectivo principal de fortalecer a visibilidade do destino en mercados europeos e estatais. A primeira parada será en Utrecht, onde Fiets en Wandelbeurs reunirá público interesado no cicloturismo e no sendeirismo, nun espazo compartido con Turespaña.
Do 18 ao 22 de febreiro, a acción promocional trasladouse a Múnich coa participación en f.re.e 2026, unha das citas máis concorridas do mercado alemán. Entre o 20 e o 22, Galicia tamén estivo presente en Navartur, en Pamplona, cun stand de 48 metros cadrados destinado a profesionais e visitantes.
A finais de mes, Lisboa acollerá a BTL 2026, considerada a principal feira turística de Portugal, onde Turismo de Galicia contará tamén cun espazo propio. O calendario péchase coa Feira Internacional de Turismo Ornitolóxico, no Parque Nacional de Monfragüe, centrada na promoción da observación de aves e na difusión de recursos naturais.
A Xunta subliña que esta estratexia responde ao peso crecente do turismo internacional. Segundo datos do INE, Galicia rexistrou en 2025 un total de 7,3 millóns de viaxantes e 13,5 millóns de pernoctacións, cun aumento do 3,5% no mercado exterior. O público estadounidense medrou un 10,4% e xa é o segundo máis numeroso tras Portugal. Os ingresos do sector alcanzaron 451,2 millóns de euros, mentres que o Camiño de Santiago acadou 530.987 Compostelas, das que o 57% corresponden a peregrinos estranxeiros.•
Cargando ...
