O alcalde de Monforte de Lemos, José Tomé Roca, recibiu no Concello ao novo tenente xefe do Destacamento de Tráfico da Garda Civil en Monforte, Anxo Rodríguez Rodríguez, que tomou posesión do cargo recentemente. Na reunión, na que tamén participou a tenente de alcalde Gloria Prada, mantívose unha primeira toma de contacto para analizar a situación actual da seguridade viaria no municipio.
Durante o encontro, ambas partes coincidiron na importancia de reforzar a colaboración entre a Policía Local e a Garda Civil co obxectivo de mellorar a prevención e a resposta ante posibles incidencias no tráfico. O rexedor sinalou que “é fundamental traballar de xeito coordinado para que Monforte continúe a ser un concello tranquilo en materia de seguridade viaria”.•
Cargando ...
