Salvador Pallares, campión galego con só 15 anos, busca repetir presenza no campionato estatal
Con apenas 15 anos, Salvador Pallares Soria converteuse nun dos nomes propios da colombicultura galega tras gañar o Campionato Galego de 2025, título que lle permitiu competir na Copa S.M. El Rei en Jacarilla. O mozo, veciño de Mazaira, continúa a súa progresión e este sábado volverá medirse en Beade nunha das probas clasificatorias que dan acceso ao estatal.
Pallares iniciou esta afección na infancia, seguindo os pasos do seu avó e do seu pai, e compite tanto en categorías xuvenís como absolutas. Na actualidade mantén máis de 130 pombas no seu domicilio, ás que coida de forma rigorosa. Nas probas participa cun pombo marcado cunha cinta branca e cun cento de pombas acompañantes, transportadas nun vehículo específico.
As competicións consisten en avaliar o tempo que o pombo permanece voando co grupo, nunhas xornadas de dúas horas nas que se poden completar ata 30 quilómetros. O alcalde, José Manuel Arias, recibiu ao campión no Concello e animouno a continuar unha traxectoria que xa o sitúa entre as promesas galegas da disciplina.•
Cargando ...
