A Asociación Veciñal do Saviñao manifestou o seu malestar pola substitución da carpa situada diante do Concello de Escairón, unha actuación que consideran innecesaria e afastada das prioridades reais do municipio. O colectivo lembra que a estrutura existente cumpría a súa función e critica que se destinen 350.000 euros a unha nova instalación de granito e pizarra.
A entidade veciñal sostén que existen necesidades máis urxentes, como a creación dunha residencia de maiores ou dun centro de día, servizos que —indican— levan anos sendo demandados sen obter resposta. Tamén sinalan a falta dun espazo para a mocidade, a ausencia de políticas de vivenda social e a carencia de saneamento en numerosos núcleos rurais.
A asociación lamenta ademais a tala dun tilo centenario na Devesa, que consideran unha perda patrimonial. O colectivo conclúe que a obra se executou sen exposición previa do proxecto e cualifícaa de “frivolidade” fronte ás carencias que, aseguran, afectan notabelmente ao conxunto da veciñanza do Saviñao.•
Cargando ...
