Dúas empresas de Bóveda, Mieles Anta e Garemeat, participaron na Feira Alimentaria Barcelona 2026, un dos encontros profesionais máis relevantes e consolidados do sector alimentario. Ambas forman parte da delegación galega respaldada pola Xunta, que reúne 53 compañías dos ámbitos agroalimentario e marítimo‑pesqueiro. O director da Axencia Galega da Calidade Alimentaria, Martín Alemparte, visitou os seus postos e destacou “a alta calidade dos seus produtos”.
A representación galega distribúese en varios espazos dedicados aos sectores cárnico, lácteo e ás producións con distintivos de calidade. Ademais, o certame conta cunha aula de catas e degustacións na que se organizan talleres, demostracións culinarias e catas comentadas.
Xunto ao sector agroalimentario, a Consellería do Mar promove a presenza de empresas do ámbito mar‑industria nun posto institucional orientado a facilitar contactos comerciais. A participación de Mieles Anta e Garemeat permite que Bóveda teña presenza nun escaparate internacional destacado do ámbito alimentario.•
Cargando ...
