O Concello da Pobra do Brollón puxo en marcha un Punto Limpo Móbil que comezou o seu percorrido polas parroquias o luns 23 de marzo. O servizo permitirá depositar residuos como pilas, medicamentos, lámpadas, aerosois, aceite usado ou cartuchos de impresora, que serán posteriormente reciclados. O contedor permanecerá unha semana en cada localización, situado en puntos previamente establecidos. O Concello solicita a colaboración veciñal para garantir un uso adecuado e conveniente e lembra que o servizo non está destinado á recollida de residuos voluminosos.•
Cargando ...
