Por Chantada levou ao último pleno unha moción destinada a abrir unha estratexia municipal sobre vivenda, coa intención de abordar o acceso ao alugueiro e a mobilización das vivendas baleiras no concello. A organización sostén que se trata dun “problema macro e estrutural” que tamén afecta á vila e que require accións locais coordinadas con outras administracións.
A iniciativa incluía a elaboración dun diagnóstico actualizado, a creación de censos de inmobles e demandantes, incentivos fiscais para quen poña vivendas no mercado, programas de intermediación e medidas específicas para colectivos vulnerables. Tamén se propoñía estudar cambios na ordenanza do IBI e impulsar campañas de información. A moción non prosperou pola maioría absoluta do Partido Popular. Segundo explicou Fente Parada, o PP rexeitou o texto “co xa cotián argumento de que presentamos mocións moi longas”, sen achegar propostas alternativas nin abrir negociacións.•
Cargando ...
