Centos de estudantes e música en directo protagonizan unha xornada cultural centrada na creación literaria e o medio ambiente
Sarria celebrou esta semana o Día Mundial da Poesía cun acto aberto na Praza da Vila que reuniu a centos de estudantes de distintos centros educativos da comarca. A iniciativa converteu o espazo público nun escenario de lectura, música e participación arredor da palabra.
O encontro estivo marcado pola presenza da mocidade, que tomou parte activa na recitación de textos e na creación colectiva de contidos poéticos. A actividade permitiu dar visibilidade ao interese pola literatura entre o alumnado e promover a expresión artística en formato aberto.
A xornada contou tamén coa participación da Escola Municipal de Música, que acompañou as intervencións con distintas pezas interpretadas en directo, contribuíndo a crear un ambiente cultural no centro da vila.
ORGANIZADO POLO IES GREGORIO FERNÁNDEZ
A organización correu a cargo do IES Gregorio Fernández, que impulsou unha proposta orientada a vincular a poesía coa reflexión sobre o entorno. Neste sentido, o acto incorporou mensaxes relacionadas coa conservación do medio natural, integrando a creación literaria nun contexto de sensibilización ambiental.
A actividade desenvolveuse nun formato colaborativo e contou coa implicación de profesorado e comunidade educativa. O evento foi todo un éxito, encheu a praza dun público maioritariamente nov durante toda a mañá, nunha convocatoria que combinou cultura, educación e participación cidadá arredor da poesía.•
Cargando ...
