O Colexio Oficial de Biólogos, en colaboración co Xeoparque Montañas do Courel e a Consellería de Educación, organizará a primeira Olimpíada de Bioloxía dirixida ao alumnado de 4º da ESO. Na convocatoria participarán 593 estudantes procedentes de 45 centros das catro provincias, tras pecharse o período de inscrición. A coordinación académica recae na profesora Iria Chapela, encargada das distintas fases dunha competición que combinará probas teóricas e prácticas. A primeira fase, prevista para finais de abril, celebrarase de forma telemática e permitirá seleccionar os dez mellores expedientes, que liderarán equipos colaborativos. A final terá lugar o 30 de maio no Xeoparque, con actividades no IES de Quiroga e propostas divulgativas organizadas polo equipo técnico da entidade. Esta iniciativa abre unha nova etapa para a divulgación científica na comarca.•
Cargando ...
