Rexistráronse 6.818 prazas ocupadas nos días previos e 8.885 nos días principais, cifras que melloran os rexistros de 2025 e 2024
A Ribeira Sacra pechou a Semana Santa cunha ocupación media que se aproximou ao 85% entre o 1 e o 6 de abril, segundo os datos facilitados polo sector. Nos días previos, do 27 ao 31 de marzo, a media situouse no 64,67%, superando amplamente as previsións iniciais, que apuntaban ao 57% e ao 76% respectivamente para cada tramo.
A distribución por tipoloxías amosou comportamentos diversos: os hoteis de tres e catro estrelas alcanzaron o 82,50% nos días principais, o turismo rural situouse no 72,47% e os apartamentos turísticos chegaron ao 95%. O resto de aloxamentos acadou o 87,17%, confirmando unha forte demanda concentrada nas datas centrais. En termos absolutos, rexistráronse 6.818 prazas ocupadas nos días previos e 8.885 nos días principais, cifras que melloran os rexistros de 2025 e 2024. O bo tempo favoreceu as reservas de última hora e o sector valora o resultado como moi satisfactorio.•
Cargando ...
