Máis de 2.400 persoas participaron nas rutas fluviais operadas pola Deputación de Lugo durante a Semana Santa, aproveitando o bo tempo que acompañou as travesías polos ríos Miño e Sil. As tres embarcacións do servizo funcionaron de maneira continuada entre o 30 de marzo e o 5 de abril, con saídas desde os embarcadoiros de Ponte do Sil e Belesar en horarios de mañá e tarde.
A deputada Pilar García Porto destacou que “un ano máis, as nosas rutas contaron cunha moi boa acollida”, sinalando o seu papel na dinamización turística da comarca. Para o resto de abril manteranse as viaxes en ambas rutas, con reforzos previstos na ponte do 1 de maio.•
Cargando ...
