O Concello da Pobra de Brollón recordou á veciñanza a necesidade de manter limpas as parcelas e respectar as distancias de seguridade que marca a Lei de prevención de incendios forestais. A normativa obriga a xestionar a biomasa antes de finais de maio e a garantir unha franxa de protección de cincuenta metros arredor de vivendas, núcleos rurais e instalacións próximas ao monte. Nesa zona non poden existir especies que favorezan a propagación do lume, como piñeiros, mimosas ou eucaliptos. O incumprimento pode derivar en execución subsidiaria e sancións.•
Cargando ...
