O PSdeG alertou do deterioro da atención primaria na provincia de Lugo, que atribúe á falta de planificación da Xunta. Nunha rolda de prensa, a secretaria de Organización, Lara Méndez, asegurou que Galicia presenta elevados niveis de listas de espera e advertiu de que “o problema non é a demanda, é a falta de xestión”.
A voceira na Deputación, Pilar García Porto, centrouse na realidade da provincia e denunciou a escaseza de profesionais, con prazas sen cubrir e centros que dependen dun único médico. Segundo indicou, esta situación está a provocar desigualdades no acceso á sanidade, especialmente no rural.
Alcaldes como os de Ribeira de Piquín e Xermade expuxeron tamén as dificultades para garantir unha atención continuada, con servizos reducidos e falta de cobertura en determinados momentos.•
Cargando ...
