Quiroga presenta coa primavera unha ruta polas súas fervenzas

O Concello de Quiroga difundirá unha ruta que reúne cinco das fervenzas máis destacadas da comaca, situadas no territorio do Xeoparque Montañas do Courel. O percorrido, duns 25 quilómetros entre Quiroga e Vieiros, permitirá visitar os saltos do Pombar, Pedriña, Gurbias, Fócaro e Vieiros, todos accesibles mediante pequenos sendeiros. As fervenzas presentan caudais elevados tras o inverno chuvioso e contan con sinalización específica, ademais de poder consultarse en aplicacións dixitais para facilitar o acceso ás persoas visitantes.•