A iniciativa Sarria<30 inclúe talleres e encontros en varios concellos da comarca ao longo do mes de maio
A comarca de Sarria será escenario no mes de maio do programa Sarria<30, unha proposta centrada na formación e no emprendemento cultural dirixida especialmente á mocidade. A iniciativa, apoiada pola Xunta a través das axudas Territorio Cultura, desenvolverase en distintos concellos con actividades abertas á participación.
O programa inclúe laboratorios impartidos por profesionais do ámbito cultural, co obxectivo de fomentar a creación de redes e facilitar o intercambio de coñecementos. As sesións abordarán disciplinas como a música, o teatro, a danza, a literatura ou a cultura tradicional.
As actividades terán lugar no Incio, Sarria, Láncara, Paradela, O Páramo, Samos e Triacastela. A programación culminará cun evento central na Praza de Abastos de Sarria, que reunirá mesas de debate, entrevistas e propostas participativas.
O calendario incluirá tamén sesións específicas sobre xestión musical, creación escénica, danza contemporánea e dinamización cultural, orientadas a detectar oportunidades profesionais e reforzar o tecido creativo da comarca.•
Cargando ...
