Arredor de medio milleiro de persoas participou o 26 de abril na V Andaina Chantada Contra o Cancro, que regresou tras a suspensión de novembro e contou cun ambiente marcado polo bo tempo. As persoas inscritas puideron escoller entre rutas de 5, 10 e 20 quilómetros, con saída e chegada na adega Condado de Sequeiras, percorrendo viñedos e camiños da Ribeira Sacra entre Chantada e O Saviñao. Á chegada, os andaríns foron recibidos con pinchos e viño ofrecidos pola adega.
O evento contou coa colaboración de empresas locais, entidades e máis de trinta voluntarios, aos que a organización expresou o seu agradecemento.•
Cargando ...
