A Deputación de Lugo executa estes días diferentes intervencións viarias no concello de Pantón, dentro dun plan provincial orientado a mellorar a mobilidade na Ribeira Sacra. A actuación máis destacada é a rehabilitación integral da estrada LU‑P‑4104, que comunica Seguín cos Peares por Pombeiro, cun investimento superior aos cen mil euros. Os traballos inclúen reapertura de cunetas, reparación de danos e repavimentación ao longo dos seus máis de quince quilómetros. Paralelamente, a institución provincial iniciou obras de aglomerado noutros tramos das estradas LU‑P‑4102, LU‑P‑3202 e LU‑P‑3208, vías que conectan parroquias e núcleos de poboación do municipio. Estas actuacións abranguen melloras do firme e reposición da sinalización horizontal.•
Cargando ...
