O Centro Cívico Social de Monforte acolleu recentemente unha charla informativa sobre o proceso extraordinario de regularización de persoas inmigrantes, organizada pola Concellería de Servizos Sociais. A sesión, impartida por unha avogada especializada en estranxeiría, estivo aberta á cidadanía e permitiu explicar de forma clara os requisitos, prazos e procedementos vinculados á nova normativa estatal.
Arredor de 60 persoas asistiron á actividade, que incluíu tamén un espazo para resolver consultas de maneira individualizada. Desde o Concello sinalaron que esta iniciativa pretende facilitar o acceso á información e reforzar o acompañamento administrativo das persoas migrantes, co obxectivo de favorecer a súa integración social e laboral no municipio.•
Cargando ...
