A difusión do patrimonio xeolóxico do Xeoparque Montañas do Courel deu un novo impulso coa publicación dun estudo sobre a Pedra Cabaleira na revista Geoheritage. O traballo analiza esta rocha sedimentaria ligada ao Val do Sil, empregada desde a Idade Media en construcións destacadas como igrexas e castelos, e recoñecible pola súa cor avermellada derivada dos óxidos de ferro.
A investigación define varias tipoloxías segundo as súas propiedades físicas e explica a súa presenza en diferentes puntos do territorio, incluíndo Quiroga, Valdeorras e áreas próximas do Bierzo. O artigo sitúa a Pedra Cabaleira como candidata á categoría IUGS Heritage Stone, recoñecemento internacional para materiais relevantes no patrimonio cultural.
O Xeoparque continúa así a súa liña de traballo baseada na divulgación científica e o impulso do xeoturismo.•
Cargando ...
