A Xunta puxo en marcha un novo campus virtual dirixido a persoas autónomas, emprendedoras e comerciantes co obxectivo de reforzar a competitividade dos pequenos negocios galegos. A iniciativa ofrece formación gratuíta en liña baseada en contidos prácticos e adaptados ás necesidades actuais do mercado.
Os cursos estrutúranse en módulos breves con vídeos de poucos minutos e exercicios orientados á aplicación directa no día a día profesional. Ademais, a plataforma incorpora titorización especializada para acompañar aos participantes durante o proceso formativo.
Entre as primeiras propostas xa dispoñibles figura un curso centrado no uso de WhatsApp Business como ferramenta de venda e atención ao cliente.•
Cargando ...
