O Concello de Monforte xa escolleu a imaxe oficial das Festas Patronais de 2026. O xurado da XXI edición do concurso de carteis concedeu o primeiro premio á proposta presentada por Jessica Denise Bazaes Latrille, veciña do Saviñao, baixo o lema “Luz da Fada”. O traballo será empregado como cartel anunciador das celebracións e tamén como portada do programa festivo.
Nesta convocatoria participaron corenta deseños, o dobre que na edición anterior, converténdose na máis concorrida dos últimos anos. A maioría das propostas chegaron desde Monforte e outros municipios galegos, aínda que tamén se recibiron traballos doutros puntos do Estado. O premio está dotado con 1.000 euros e o cartel será presentado publicamente nas próximas semanas.•
Cargando ...
