O Concello reforza a súa programación cultural co apoio do plan Ler Conta Moito 2026

A Consellería de Cultura confirmou que a biblioteca municipal de Sober figura entre as 37 da provincia que recibirán apoio económico a través do programa Ler Conta Moito 2026. O delegado territorial, Javier Arias, explicou que a resolución publicada no DOG asigna máis de 30.000 euros ás iniciativas de dinamización lectora impulsadas polos concellos lucenses.
As actividades inclúen contacontos, obradoiros creativos, encontros literarios, proxeccións audiovisuais e propostas vinculadas á música, ás artes escénicas ou á divulgación cultural. O obxectivo é ampliar a oferta para público infantil, xuvenil e adulto.
Arias lembrou que tamén está aberto o prazo para solicitar axudas destinadas á compra de novidades editoriais en lingua galega.•