O PPdeG acusa a esquerda de fomentar a crispación política en Lugo

A secretaria xeral do PPdeG, Paula Prado, criticou en Lugo a reacción de PSOE e BNG ante a moción promovida polos populares para cambiar o goberno municipal. A dirixente popular acusou ás formacións de esquerda de manter unha “escalada de odio” e reivindicou que a iniciativa presentada polo PP inclúe 45 medidas “pensadas para os lucenses”. Prado participou nun acto xunto a Elena Candia, á que felicitou polo traballo desenvolvido nos últimos anos na oposición municipal.
Candia defendeu a lexitimidade da alternativa política impulsada polos populares e lembrou que o PP foi a forza máis votada nas eleccións de 2023. Candia asegurou que Lugo precisa “menos confrontación e máis entendemento” e apostou por iniciar unha nova etapa baseada na “moderación e serenidade”.•