O Concello de Sober abriu a convocatoria de tres Bolsas Culturais Internacionais Pintor de Castinandi, destinadas a persoas de ata 40 anos interesadas en ampliar a súa formación artística. As axudas permitirán asistir de maneira gratuíta ao Taller de Verán de fotografía impartido por Antoine d’Agata do 12 ao 17 de xullo na Casa Grande de Rosende. Cada bolsa está valorada en 895 euros.
As persoas aspirantes deberán presentar unha carta de motivación e un dossier co seu traballo fotográfico. As solicitudes poderán enviarse ata o 25 de maio e serán avaliadas por un comité mixto. O Concello destaca que esta iniciativa reforza a proxección cultural do municipio.•
Cargando ...
