O Concello da Pobra do Brollón abriu a convocatoria do segundo concurso de carteis da Feira Guímara, co obxectivo de seleccionar a imaxe anunciadora da súa undécima edición. A iniciativa busca fomentar a creatividade e reforzar a presenza visual dun evento que cada ano lembra a revolta veciñal contra o Conde de Lemos. A Feira Guímara celebrarase o 11 de xullo de 2026 e desenvolverase como unha romaría no campo da feira, xunto ao río Rubín, con representacións históricas, música, artesanía e produtos locais. O certame está aberto a persoas maiores de 18 anos e a proposta gañadora recibirá 200 euros. As bases poden consultarse nas dependencias municipais e o prazo remata o 12 de xuño ás 14:00 horas.•
Cargando ...
