Galicia impulsa a recuperación de oliveiras autóctonas para reforzar a produción de aceite

A iniciativa céntrase na identificación e certificación de variedades tradicionais presentes en distintas explotacións

A Xunta continúa desenvolvendo o proxecto orientado á mellora da calidade e da orixe do aceite producido en Galicia mediante a recuperación de variedades autóctonas de oliveira. Dentro desta iniciativa, o director da Axencia Galega da Calidade Alimentaria, Martín Alemparte, participou na recollida de exemplares pertencentes á explotación Aceites Figueiredo, propiedade de Miguel Ángel Rodríguez, colaborador do programa impulsado pola Consellería do Medio Rural.
As mostras obtidas serán empregadas para avanzar no proceso de identificación e certificación destas variedades tradicionais. Nunha primeira fase analizarase o estado sanitario das plantas e, posteriormente, traballarase na produción de exemplares certificados na Estación Experimental Agrícola de Baixo Miño, situada en Salceda de Caselas.
O obxectivo final é facilitar aos produtores acceso a planta autóctona certificada e continuar investigando as características xenéticas e a capacidade reprodutiva destas oliveiras.•