O PP de Monforte criticou esta semana a situación das obras de supresión dos pasos a nivel do barrio do Morín e acusou ao Goberno central de minimizar os problemas detectados na actuación. Os senadores populares José Manuel Barreiro, José Manuel Balseiro e Juan Serrano sinalaron que existen “contradicións evidentes” entre a resposta oficial remitida polo Executivo e as explicacións ofrecidas por responsables de ADIF durante unha visita á zona.
Segundo explicaron, no percorrido polos traballos recoñeceuse a existencia de incidencias técnicas que obrigarán a modificar o proxecto inicial e incrementarán os custes previstos. O PP sostén que esta situación provocará atrasos nunha intervención considerada clave para a mobilidade e a seguridade viaria da contorna ferroviaria. •
Cargando ...
