O IES Francisco Daviña Rey viviu o pasado 5 de xuño unha das citas máis sinaladas do curso coa graduación do alumnado de 4º da ESO e de 2º de Bacharelato. O salón de actos acolleu dúas cerimonias nas que estudantes, familias e docentes compartiron un acto marcado polas lembranzas e os agradecementos.
Durante a celebración interviñeron membros do equipo directivo, titoras e representantes do alumnado, que repasaron experiencias vividas ao longo dos últimos anos e destacaron o valor do compañeirismo e do apoio recibido durante a etapa educativa.
A entrega de bandas e diplomas simbolizou o peche dun ciclo formativo para os mozos e mozas graduados. A programación completouse cunha actuación musical de inspiración tradicional e cun encontro posterior na cafetaría do centro.•
Cargando ...
